1 ស្គាល់ជិត១០ឆ្នាំ លី អ៊ីវ៉ាធីណា នៅតែចែកផ្លូវគ្នា

1 ស្គាល់ជិត១០ឆ្នាំ លី អ៊ីវ៉ាធីណា នៅតែចែកផ្លូវគ្នា

តារាចម្រៀងចាស់វស្សារបស់ផលិតកម្មថោន កញ្ញា លី អ៊ីវ៉ាធីណា ថ្មីៗនេះ បានបែកផ្លូវគ្នាជាមួយសង្សាររបស់ខ្លួន ដែលមានទំនាក់ទំនងជាគ្នាជិត១០មកហើយនោះ ។

ដើមហេតុដែលនាំឲ្យចែកផ្លូវគ្នា តារាចម្រៀងកូនកាត់ចិនម្នាក់នេះ មិនបានទម្លាយឲ្យដឹងលម្អិតឡើយ ដោយនាងគ្រាន់និយាយដោយខ្លីថា មកពីរស់មិនចុះសម្រុងគ្នា។ កាលពីពេលកន្លងទៅ លី អ៊ីវ៉ាធីណា ធ្លាប់ប្រាប់ថា នាងគ្រោងរៀបអាពាហ៍ពិពាហ៍ជាមួយសង្សាររបស់ខ្លួនដែលជាមន្ត្រីប៉ូលិស ក្នុងអំឡុង៣ឆ្នាំទៀត ហើយក្រោយពីរៀបការរួច នាងនឹងបោះបង់ចោលសិល្បៈដើម្បីទុកពេលមើលថែគ្រួសារ ប៉ុន្តែបំណងទាំងនោះត្រូវបានរលាយបាត់ទៅហើយ។

ក្នុងជំនួបកាលពីពេលថ្មីនេះតារាចម្រៀងដែលល្បីខាងច្រៀងបទចម្រៀងភាសាចិនរូបនេះ បានលើកឡើងថា អ្នកដែលសុំបែកមុនគេ គឺជារូបនាង ហើយការចែកផ្លូវគ្នាដើរនេះ មិនមែនមកពីទាំងសងខាងមានអ្នកផ្សេងឡើយ ដើមហេតុតែម្យ៉ាងមកពីមិនចុះសម្រុងគ្នាប៉ុណ្ណោះ។

អ៊ីវ៉ាធីណា ប្រាប់ទៀតថា មិនមែនមិនស្ដាយពីទំនាក់ទំនងដែលមានជិត១០ឆ្នាំមកនេះទេ អនុស្សាវរីយរាប់រយរាប់ពាន់ដែលនាងមានគឺស្ថិតក្នុងចិត្តជា និច្ច ប៉ុន្តែចុងក្រោយអ្នកទាំង២នៅតែចែកផ្លូវគ្នា។

នៅពេលដែល Sabay សួរថា ប្រសិនបើសង្សារមកសុំអង្វរចង់ជានាគ្នាវិញ តើ អ៊ីវ៉ាធីណា គិតយ៉ាងណា? លី អ៊ីវ៉ាធីណា ដាក់ទឹកមុខបន្តិច ប៉ុន្តែសើចរួចនិយាយដោយខ្លីថា បើបែបនោះមែនចាំគិតមើលសិន តែមើលទៅមិនអាចនោះទេ៕