IMG_0819 តារាចម្រៀង អាន់ដា ឈានទៅចាប់អាជីពជាពិធីករទូរទស្សន៍

IMG_0819 តារាចម្រៀង អាន់ដា ឈានទៅចាប់អាជីពជាពិធីករទូរទស្សន៍

លោក អាន់ដា តារាចម្រៀងផលិតកម្ម KH បានឈានមួយជំហានទៀតទៅចាប់អាជីពជាពិធីករទូរទស្សន៍ និងវិទ្យុ ក្រោយប្រឡូកចូលសិល្បៈតាំងពីឆ្នាំ ២០០៨ ធ្វើជាតារាចម្រៀង។

ការងារទាំងពីរខាងលើ លោកបានចូលធ្វើកាលពីដើមឆ្នាំ២០១៤នេះ ដោយមានលោក គឹម ហេង ជាចាងហ្វាងផលិតកម្មជួយជ្រោមជ្រែង។ អាន់ដា រៀបរាប់ថា “ការងារហ្នឹងខ្ញុំចូលចិត្ត និងប៉ងយូរហើយអីចឹងដំបូងខ្ញុំបានទៅនិយាយជាមួយបង គឹម ហេង ឲ្យជួយ គាត់ក៏បានជួយទាក់ទងគេរហូតខ្ញុំបានធ្វើ។ មិនត្រឹមប៉ុណ្ណឹងគាត់ថែមទាំងជួបបង្ហាត់បង្រៀនខ្ញុំទៀតផង គឺគាត់ជួយខ្ញុំច្រើនណាស់!”។

កម្មវិធីទូរទស្សន៍ដែល អាន់ដា កំពុងធ្វើនេះ មានឈ្មោះថា កម្មវិធី “ប្រាប់តគ្នា” ដែលនិយាយអំពីការថែរក្សាសម្ផស្ស សុខភាព និងព័ត៌មានបច្ចេកវិទ្យា។ កម្មវិធីនេះ មានចាក់ផ្សាយនៅវេលាម៉ោង ៨:០០-៩:០០ព្រឹកចាប់ពីថ្ងៃចន្ទដល់សុក្រនៅស្ថានីយទូរទស្សន៍ប៉ុស្តិ៍លេខ៣។ ដោយឡែកនៅវិទ្យុFM៨៨ MHz វិញ គឺលោកកំពុងកាន់ការជាពិធីករវិទ្យុក្នុងកម្មវិធី “សមត្ថភាពខ្ញុំ”។

អាន់ដា ទទួលស្គាល់ថា ការងារទាំងពីរកំពុងដុះខាត់សមត្ថភាពរបស់ខ្លួន ខណៈមានប្រិយមិត្ត រួមទាំងមិត្តភ័ក្ដិស្គាល់គ្នាជាច្រើនសរសើរថាលោកធ្វើបានល្អ។ “ដំបូងៗរៀងពិបាកតិច តែឥឡូវធ្វើបានហើយបង ហើយមិត្តភ័ក្ដិជាច្រើនគេថាអីចឹង!”។ បន្ថែមពីលើនេះ អាន់ដា អះអាងថា លោកបានរៀនចេះនូវរឿងជាច្រើនពីការងារនេះ ពាក់ព័ន្ធនឹងចំណេះដឹងទូទៅ ព្រោះលោកត្រូវស្រាវជ្រាវរាល់ថ្ងៃ។

អត្ថបទ៖ អាន់ដា ចេញចម្រៀងពីរបទបញ្ជាក់ពីបរាជ័យស្នេហ៍?

បើទោះធ្វើការនៅប៉ុស្តិ៍លេខ៣ ប៉ុន្តែ អាន់ដា មិនជាបុគ្គលិកទូរទស្សន៍មួយនេះឡើយ។ តារាចម្រៀងមកពីខេត្តកណ្ដាលរូបនេះ ប្រាប់ថាកម្មវិធីលោកកំពុងកាន់ជារបស់ក្រុមហ៊ុនឯកជនមួយដែលបានទិញម៉ោងផ្សាយរបស់ប៉ុស្តិ៍លេខ៣ប៉ុណ្ណោះ។ យ៉ាងណា ដោយសារមើលឃើញថា លោកធ្វើបានល្អក្រុមហ៊ុនបានត្រៀមកាន់កម្មវិធីមួយទៀតលោកកាន់ក្នុងពេលឆាប់ៗនេះ។ នេះបើតាមសាមីខ្លួន។

អត្ថបទ៖ អាន់ដា រៀបរាប់ពីស្ថានភាពជំងឺខ្លួនឯង

តារាចម្រៀង អាន់ដា បានទទួលការជ្រោមជ្រែងពីលោក គឹម ហេង ជាចាងហ្វាងផលិតកម្មតាំងពីឈានជើងចូលសិល្បៈដំបូង។ ក្រៅពីជួយឲ្យបានធ្វើជាពិធីករទូរទស្សន៍តាមបំណងហើយ ម្ចាស់ផលិតកម្ម KH រូបនេះ នៅបានទម្លាក់ការងារក្រុមហ៊ុនមួយចំនួនទៀតឲ្យអាន់ដា ធ្វើជាមួយកូនប្រុស ឯលោកបានដកខ្លួនទៅធ្វើការងារកសិកម្មលើដីរាប់សិបហិកតាវិញនៅខេត្តបន្ទាយមានជ័យវិញ។

តាម អាន់ដា ផ្ទាល់ បានឲ្យដឹងថា ក្រៅពីជាតារាចម្រៀង បច្ចុប្បន្នក្នុងផលិតកម្ម KH លោកគឺជា អ្នកកាត់ត កែសម្រួលភ្លេង(Mixer) និងជួយធ្វើកិច្ចការផ្សេងៗមួយចំនួនទៀត៕

ប្រភព: Sabay

មុន បន្ទាប់

មតិយោបល់