feature home ផ្ទះសមាជិកក្រុម នាយ ក្រឹម ម្នាក់ត្រូវភ្លើងឆេះព្រឹកមិញ!

feature home ផ្ទះសមាជិកក្រុម នាយ ក្រឹម ម្នាក់ត្រូវភ្លើងឆេះព្រឹកមិញ!

ផ្ទះថ្មលាយឈើរបស់តារាសម្ដែងស្រីម្នាក់ ជាសមាជិកក្រុមកំប្លែង នាយ ក្រឹម បានរងការខូចខាតទាំងស្រុងដោយសារអគ្គីភ័យ នៅម្ដុំផ្សារឃ្លាំងរំសេវ តាមបណ្ដោយផ្លូវម៉ៅសេទុង កាលពីព្រឹកមិញនេះ។

លាង ធានី សាន់ វីហ្សា ថតជាមួយកងទ័ព

អតីតសមាជិកក្រុមកំប្លែងនាយក្រឹម អ្នកនាង លាង ធានី ដែលជាជនរងគ្រោះ បាននិយាយប្រាប់ Sabay ថា អគ្គីភ័យនេះ បានកើតឡើងអំឡុងម៉ោង ៩ ព្រឹកមិញ ធ្វើឲ្យផ្ទះ ១ ខ្នង ជាកម្មសិទ្ធិរបស់នាង និង ផ្ទះបង្ក ១ ខ្នង ទៀត រងការបំផ្លិចបំផ្លាញទាំងស្រុង។ តារារូបនេះបន្តថា នាងមិនអាចទាមទារសំណងអ្វីទាំងអស់ ព្រោះភាគីផ្ទះបង្កហេតុក៏មានជីវភាពទីទ័លដូចគ្នាដែរ។ ម្យ៉ាងទៀត ហេតុការណ៍នេះ ជារឿងចៃដន្យ ដែលគ្មាននរណាម្នាក់នឹកស្មានដល់ឡើយ។

ធានី និយាយថា៖ “ខ្ញុំមិនដឹងថា ទារយសំណងយ៉ាងម៉េចទេ ព្រោះគាត់ជាអ្នកជិតខាង មានជីវភាពក្រីក្រដូចគ្នាហ្នឹង បើទារដូចសម្លាប់គាត់អញ្ចឹង”៕

ទោះបីជាយ៉ាងណា រហូតមកដល់ពេលនេះ លាង ធានី នៅមិនទាន់ដឹងថា ត្រូវទៅស្នាក់បណ្ដោះអាសន្ន កន្លែងណានៅឡើយទេ ព្រោះគ្មានអ្វីសេសសល់ទៀតទេ ដោយរង់ចាំមើលការរួមចំណែកជាថវិកាខ្លះៗ ពីបងប្អូនរបស់នាង ដើម្បីដោះស្រាយជីវភាព និង ជួលបន្ទប់ស្នាក់នៅ ដោយទុកដីក្រោយអគ្គីភ័យមួយឡែកសិន។

លាង ធានី ជាអតីតសមាជិកក្រុមកំប្លែងនាយ ក្រឹម ដែលទស្សនិកជនធ្លាប់បានឃើញតាមរយៈកម្មវិធី “សំណើចចុងសប្ដាហ៍” របស់ស្ថានីយទូរទស្សន៍បាយ័នអំឡុង ២ ឆ្នាំមុន។ តារារូបនេះបានឃ្លាតឆ្ងាយពីក្រុមកំប្លែងមួយនេះ បន្ទាប់ពីកម្មវិធីខាងលើ ត្រូវបានផ្អាកទាំងស្រុង ហើយទីផ្សារសិល្បៈរបស់នាងចាប់ផ្ដើមធ្លាក់ចុះ ដោយគ្រាន់តែមានផលិតកម្មចម្រៀងហៅទៅថតចម្រៀងខារ៉ាអូខេម្ដងម្កាលប៉ុណ្ណោះ។

“ពីមុនយើងមានផ្ទះសម្រាប់ជ្រកកោននៅតែលំបាក ហើយចុះទម្រាំពេលនេះត្រូវជួលផ្ទះគេនៅទៀត មិនដឹងជាយ៉ាងណាទេ តាមជាក់ស្ដែង”។

ពាក់ព័ន្ធទៅនឹងបញ្ហានេះ តារាសម្ដែង អ៊ឹម ជីវ៉ា អះអាងថា ខ្លួននឹងព្យាយាមរៃអង្គាសថវិកាខ្លះ ពីសប្បុរសជន និង អ្នករួមអាជីព ដើម្បីសម្រួលដល់ការលំបាករបស់តារារូបនេះ ក្នុងនាមជាអ្នករួម