ផលិតកម្មហង្សមាស៖ ការផលិតបទច្រៀង Original មិនមែនជារឿងថ្មី!

ផលិតកម្មហង្សមាស៖ ការផលិតបទច្រៀង Original មិនមែនជារឿងថ្មី!

មួយរយៈចុងក្រោយនេះ ផលិតកម្មហង្សមាសបានបង្ហាញនូវបទចម្រៀងជាច្រើន ជាមួយនឹងការអះអាងថា ជាបទចម្រៀង Original ទៀតផង។ ប៉ុន្តែអ្នកគ្រប់គ្រងផ្នែកសិល្បៈរបស់ផលិតកម្មមួយនេះ បានប្រាប់ Sabay ថា ការផលិតបទចម្រៀង Original មិនមែនជារឿងថ្មីនោះទេ។

លោក អ៊ិន ទីតូ និយាយថា៖ “អ្នកដែលបានគាំទ្រហង្សមាសពីមុនរហូតមក ទើបពូកគាត់បានដឹងថា បទណាជាបទ Original ហើយបទណាមិនមែន។ និយាយជារួម យើងបានធ្វើវាតាំងពីដើមរហូតមក គ្រាន់តែមិនសូវមានអ្នកដឹងទូលំទូលាយដូច្នេះ”។

អ្នកគ្រប់គ្រងខាងលើ បានអះអាងថា ទំនោរបែបនេះមានតាំងពីការកកើតឡើងដំបូងនៃផលិតកម្មហង្សមាសឯណោះ។ បើគិតមកដល់ពេលនេះ មានរយៈពេលជាង១០ឆ្នាំមកហើយ ដែលផលិតកម្មហង្សមាស ធ្វើបទចម្រៀងដោយខ្លួនឯង ហើយបានទទួលការគាំទ្រ ពីមហាជនស្ទើរគ្រប់មជ្ឈដ្ឋាន។

អានអត្ថបទ៖ ខកចិត្តទាំងអស់ព្រោះកន្លងបរទេស

ទោះបីជាយ៉ាងណា ពេលនេះមានអ្នកស្គាល់ផលិតកម្មមួយនេះកាន់តែច្រើន ស្របពេលដែលបណ្ដាញសង្គម និងប្រព័ន្ធផ្សព្វផ្សាយនានាមានការរីកចម្រើននោះ។ លោក អ៊ិន ទីតូ យល់ថា មហាជនទូទៅ អាចស្វែងរកព័ត៌មានបានកាន់តែច្រើនជាងមុន ចំពោះសាវតារនៃបទចម្រៀងនីមួយៗ នោះពូកគេប្រាកដជាបានដឹងថា បទណាមួយជា Original ហើយបទចម្រៀងណាមិនមែន។

អ៊ិន ទីតូ បញ្ជាក់ថា៖ “ដូចខ្ញុំនិយាយអញ្ចឹងថា ពីមុនក៏យើងផលិតបទOriginalច្រើន។ ហើយឥឡូវក៏យើងព្យាយាមផលិតឲ្យបានច្រើនដូចពីមុន ឬច្រើនជាងនេះ ប៉ុន្តែសង្ឃឹមលើការផ្សព្វផ្សាយព័ត៌មានដល់អ្នកគាំទ្រ”។

ការផ្សព្វផ្សាយនៅពេលនេះ កាន់តែមានភាពទូលំទូលាយជាងពីមុននេះហើយ ធ្វើឲ្យយុវវ័យជំនាន់ក្រោយ បានដឹងកាន់តែច្រើនថា មានការផលិតបទចម្រៀង Original កាន់តែច្រើន។ ប៉ុន្តែលោក អ៊ិន ទីតូ នៅតែអះអាងថា ការផលិតបទចម្រៀងOriginal មានតាំងពីការចាប់ផ្ដើមដំណើរផលិតកម្មមួយនេះ តាំងពីដំបូងមកម្ល៉េះ៕

ប្រភព: Sabay

មុន បន្ទាប់

មតិយោបល់