ករណីកម្រ ១ ក្នុង ១០០លាន កូនភ្លោះបីនាក់មុខដូចគ្នាបេះបិទ

ករណីកម្រ ១ ក្នុង ១០០លាន កូនភ្លោះបីនាក់មុខដូចគ្នាបេះបិទ

ស្ត្រីម្នាក់ដែលភ័យខ្លាចថាគ្មានកូនផង បែរជាបង្កើតបានទារកបីនាក់មុខដូចគ្នាបេះបិទ ចំណាំអត់បាន។ នេះគឺជាករណីកម្រមួយ ខណៈពេលកូនភ្លោះបីនាក់បែបនេះ មិនងាយមានមុខមាត់ដូចគ្នាទេ។

អ្នកនាង Annabelle Williams វ័យ ២៤ឆ្នាំ មានការព្រួយបារម្ភថាខ្លួនប្រហែលជាគ្មានសំណាងបានកូននឹងគេទេ ក្រោយពីកូនទីមួយរលូតបាត់។ ប៉ុន្តែទាំង Williams និងប្ដីឈ្មោះ James មានភាពរីករាយយ៉ាងខ្លាំងបន្ទាប់ពីផ្ដល់កំណើតដល់កូនបីនាក់មុខដូចគ្នាបែងចែងមិនដាច់សោះ។ Williams បាននិយាយថា “ដំបូងស្មានថាកូនភ្លោះពីរនាក់ ពេលស្កែនមើលស្រាប់តែឃើញដល់ទៅ ៣នាក់។ ខ្ញុំ និងប្ដីស្ទើរមិនហ៊ានទៅស្កេនបន្តទៀត ព្រោះខ្លាចឃើញកូនកាន់តែច្រើន”។ អ្នកជំនាញបានបញ្ជាក់ថា កូនភ្លោះបីនាក់មុខដូចគ្នាបែបនេះ គឺករណីកម្រ ១ ក្នុង ១០០ លាន។

អ្នកនាង Williams ដែលរស់នៅទីក្រុង Cardiff ប្រទេសអង់គ្លេស បានខូចចិត្តយ៉ាងខ្លាំង បន្ទាប់ពីបាត់បង់គភ៌ទីមួយដែលមានអាយុត្រឹម ៤ខែ ដោយសារកំណកំណើតមិនប្រក្រតី។ ប៉ុន្តែ ២ខែក្រោយមក នាងក៏ចាប់ផ្ដើមមានផ្ទៃពោះម្ដងទៀត និងបង្កើតបានកូនប្រុសបីនាក់ដ៏ស្រស់ស្អាតបែបនេះ៕