ស្រីស្អាតអាយុ១៨ឆ្នាំ រៀបការជាមួយសុនខដើម្បីដេញព្រលឹងព្រាយបិសាចចេញពីខ្លួន

ស្រីស្អាតអាយុ១៨ឆ្នាំ រៀបការជាមួយសុនខដើម្បីដេញព្រលឹងព្រាយបិសាចចេញពីខ្លួន

នារីជនជាតិឥណ្ឌា វ័យ១៨ឆ្នាំម្នាក់ដែលមានឈ្មោះថា Mangli Munda បានស្ម័គ្រចិត្តរៀបការជាមួយសុនខ ដើម្បីបណ្ដេញព្រលឹងខ្មោចព្រាយបិសាចចេញពីខ្លួន។ សុនខដែលត្រូវបានជ្រើសរើសជាកូនកំលោះ មានឈ្មោះថា Sheru។

norway

ចុចអាន៖ វិឡាស្កឹមស្កៃមួយដាក់លក់ក្នុងតម្លៃ ២,៥លានដុល្លារ ក្រោយសុនខជាម្ចាស់បានលាចាកលោក

ពិធីរៀបការដ៏ចម្លែកក្នុងភូមិដាច់ស្រយាលនៅភាគខាងកើតរដ្ឋ Jharkhand នេះ ត្រូវបានរៀបចំឡើងដោយមនុស្សចាស់ទុំនៅក្នុងភូមិ ដែលដឹកនាំដោយឪពុកម្ដាយរបស់កូនក្រមុំ Mangli តែម្ដង។ អ្នកភូមិមានជំនឿថាកូនក្រមុំមានវិញ្ញាណមិនល្អចូលសណ្ឋិត ដូច្នេះបើថ្ងៃមុខនាងរៀបការជាមួយមនុស្សប្រុស នឹងនាំឲ្យគ្រួសារ និងសហគមន៍ទាំងមូលជាប់គ្រោះភ័យ។

យ៉ាងណាក្ដី កូនក្រមុំហាក់មិនសប្បាយចិត្តនឹងការរៀបការរបស់ខ្លួននេះទេ ពោលគឺអ្វីៗដែលនាងធ្វើគឺដោយសារតែជំនឿតែប៉ុណ្ណោះ។ នាងបាននិយាយថា៖ “ខ្ញុំរៀបការជាមួយឆ្កែ ព្រោះតែមនុស្សចាស់ក្នុងភូមិ ជឿថាព្រលឹងបិសាចក្នុងខ្លួនខ្ញុំ នឹងឆ្លងទៅសត្វឆ្កែជាកូនកំលោះនោះ។ ក្រោយពិធីនេះចប់សព្វគ្រប់ បុរសណាដែលរៀបការជាមួយខ្ញុំ នឹងមានអាយុវែង”។

ចំណែកឯឪពុករបស់ Mangli វិញ ក៏បាននិយាយដែរថា៖ “ចាស់ៗក្នុងភូមិ បានប្រាប់យើងឲ្យរៀបចំពិធីរៀបការនេះឲ្យបានកាន់តែឆាប់កាន់តែល្អ។ យើងត្រូវតែធ្វើឲ្យប្រាកដថាព្រលឹងបិសាចនឹងត្រូវបំផ្លាញ”។

ទោះបីជាស្ដាប់ទៅប្លែក ប៉ុន្តែនេះមិនមែនជាលើកទី១នោះទេ ដែលមានពិធីរៀបការរវាងមនុស្ស និងសុនខ។ ជាក់ស្ដែងអ្នកភូមិដដែលខាងលើ ក៏ដូចជាអ្នកភូមិនៅក្បែរៗនោះ ក៏ធ្លាប់រៀបចំពិធីដូចគ្នានេះផងដែរ៕

ចុចអាន៖ មុខរបរថ្មី! បង្រៀនសុនខឲ្យរើសអេតចាយ រកចំណូលឲ្យខ្លួនបានខ្ទង់រយដុល្លារដែរ

norway`