ខ្សែភាពយន្តដកស្រង់ចេញពីរឿងពិតសម្ពោធយប់មិញ!

ខ្សែភាពយន្តដកស្រង់ចេញពីរឿងពិតសម្ពោធយប់មិញ!

Why ឬហេតុអ្វី? ជាស្នាដៃថ្មីមួយទៀតរបស់ផលិតកម្ម Rock បានបើកសម្ពោធជាផ្លូវការយប់មិញនៅរោងភាពយន្តលំដាប់អន្តរជាតិ Platinum Cineplex។

ខ្សែភាពយន្ត Why នេះនិយាយពីជីវិតពិតនារីម្នាក់ក្នុងសង្គមខ្មែរ ដែលមានសម្រស់ស្រស់ស្អាត រៀនបានខ្ពង់ខ្ពស់ និង មានចរិតស្លូតបូត ប្រែក្លាយទៅជាមនុស្សកាចសាហាវដើរកាប់សម្លាប់អ្នកដទៃ។ តួអង្គសំខាន់ក្នុងរឿងគឺ កញ្ញា ឌី សូនីតា និង លោក សូត្រ វិទូ។

អានអត្ថបទ៖ ដឹងថា…ក្នុងប្រវត្តិសាស្ត្រភាពយន្តខ្មែរ តារាណាខ្លះធ្លាប់ថតស្រាតទេ?

why

លោក លីម៉េង អ្នកគ្រប់គ្រងផលិតកម្ម Rock ថ្លែងក្នុងពិធីសម្ពោធរឿង why យប់មិញ

អ្នកគ្រប់គ្រងក្នុងផលិតកម្ម Rock លោក យឹម សុសត្យា ហៅ លីម៉េង ខ្សែភាពយន្តខាងលើបានសម្រិតសម្រាំងយកចិត្តទុកដាក់ជាខ្លាំងដោយដកស្រង់ចេញពីរៀងរាវពិតៗនៅក្នុងសង្គម។

លោកបញ្ជាក់ថា៖ “យើងដាក់ចំណងជើង Why នេះមកពីរឿងហ្នឹងពិតមិនគួរកើត តែវាបែរជាកើតឡើយ ហើយយើងឆ្ងល់ថាហេតុអី នារីស្លូតត្រង់ម្នាក់ប្រែមកជាកាចសាហាវ”។

ជំនួយការលោកឧកញ៉ា គិត ធាង រូបនេះ បង្ហាញពីជំនឿជាក់ជាខ្លាំងថានឹងទទួលបានជោគជ័យខ្ពស់ពីទស្សនិកជន ព្រោះក្រៅតែពីភាពរន្ធត់សាច់រឿងទាំងមូលក៏បញ្ចូលភាពកំប្លែងដើម្បីធ្វើឱ្យអ្នកទស្សនាបាត់ភាពសៅហ្មងថែមទៀត។

តួឯកស្រីក្នុងរឿង Why ឬ ហេតុអ្វី? ឌី សូនីតា និយាយថា ខ្សែភាពយន្តនេះ មានចំណុចទាក់ទាញជាច្រើននឹងធ្វើឱ្យប្រិយមិត្ត មិត្តៗយុវវ័យចាប់អារម្មណ៍ពេលបានទស្សនា។

នាងបានលើកឡើងដូច្នេះ៖ “សូម្បីតែខ្ញុំផ្ទាល់ជាអ្នកសម្ដែងក្នុងហ្នឹងមានអារម្មណ៍ថារន្ធត់ខ្លាំងណាស់ ហើយទស្សនិកជន និងមិត្តយុវវ័យពិតជាមានអារម្មណ៍ដូចខ្ញុំបើបានទស្សនារឿង Y នេះ”។

ប្រភព: sabay

មុន បន្ទាប់

មតិយោបល់