នាយករដ្ឋមន្ត្រីម៉ាឡេស៊ី៖ ដឹងតំបន់យន្តហោះបាត់ខ្លួនធ្លាក់ហើយ តែបាត់បង់ជីវិតទាំងអស់

នាយករដ្ឋមន្ត្រីម៉ាឡេស៊ី៖ ដឹងតំបន់យន្តហោះបាត់ខ្លួនធ្លាក់ហើយ តែបាត់បង់ជីវិតទាំងអស់

យន្តហោះម៉ាឡេស៊ីបាត់ខ្លួនបានហោះហើរតាមបណ្តោយផ្លូវភាគខាងត្បូង និងបានបញ្ចប់ដាន ហោះហើរនៅភាគខាងត្បូងមហាសមុទ្រឥណ្ឌា។ នេះជាការលើកឡើងរបស់លោកនាយករដ្ឋមន្ត្រីម៉ាឡេស៊ី ណាជីប រ៉ាហ្សាក់ផ្អែកលើការវិភាគរូបភាពផ្កាយរណប។

និយាយទៅកាន់សន្និសីទសារព័ត៌មាននៅវេលាម៉ោង១០យប់ (1400 GMT) បន្ទាប់ពីតំណាងក្រុមស៊ើបអង្កេតគ្រោះថ្នាក់អាកាសចរណ៍អង់គ្លេស (AAIB) បានផ្តល់ព័ត៌មាននេះ។

លោកនាយករដ្ឋ មន្ត្រី ម៉ាឡេស៊ី រ៉ាហ្សាក់ ប្រកាស ព័ត៌មាន យប់ នេះ

លោកណាជីបបាននិយាយថា រូបភាពផ្កាយរណបបានបង្ហាញទិសដៅចុងក្រោយរបស់យន្តហោះបាត់ខ្លួនគឺនៅភាគខាងលិចនៃតំបន់ពែក ហើយអ្នកជំនាញបានសន្និដ្ឋានថា យន្តហោះបានធ្លាក់នៅភាគខាងត្បូងមហាសមុទ្រឥណ្ឌា។

លោកថា «វាគឺជារឿងទុក្ខក្រៀមក្រំ និងសោកស្តាយបំផុត»ដែលលោកបានប្រាប់ដំណឹងនេះទៅសាច់ញាតិនៃអ្នកដំណើរ និងក្រុមអាកាសយានិកដែលនៅលើយន្តហោះជើងហោះហើរ MH370 បានបញ្ចប់ការហោះហើរនៅភាគខាងត្បូងមហាសមុទ្រឥណ្ឌា។

ទីភ្នាក់ងារអាកាសចរណ៍ម៉ាឡេស៊ីបានប្រាប់ទៅក្រុមគ្រួសារអ្នកដំណើរទាំង២៣៩នាក់នៅលើយន្តហោះថា គ្មាននរណាម្នាក់មានជីវិតរសនៅ និងត្រូវបានជួយសង្គ្រោះឡើយ។

ដំណឹងនេះបានកើតមានឡើងខណៈនាវាទាហានជើងទឹកអូស្ត្រាលីបានចូលទៅជិតបំណែកដែលបានរកឃើញអំពីយន្តហោះបាត់ខ្លួន ខណៈរូបភាពអណ្តែតទឹកមួយចំនួនដែលត្រូវបានឃើញគឺត្រូវបានសង្ឃឹមថាជាបំណែកយន្តហោះដែលកំពុងបាត់។

កាលពីព្រឹកថ្ងៃចន្ទ លោកនាយករដ្ឋមន្ត្រីអូស្ត្រាលី Tony Abbott បាននិយាយថា យន្តហោះមួយនៃយន្តហោះជាច្រើនរបស់អូស្ត្រាលីបានឃើញបំណែកពីរអំឡុងពេលការរុករកនៅភាគខាងត្បូងមហាសមុទ្រឥណ្ឌា។

លោក Abbott បាននិយាយថា ៖«វាមិនទាន់ត្រូវបានគេស្គាល់ថាតើបំណែកដែលបានឃើញនោះគឺជាបំណែកយន្តហោះ Boeing 777 ដែលកំពុងបាត់ខ្លួនកាលពីថ្ងៃទី៨ មីនាឬយ៉ាងណានោះទេ។

លោកបានប្រាប់សភាថា ៖«ទោះជាយ៉ាងណា យើងសង្ឃឹមថា យើងអាចយកវត្ថុនោះបានភ្លាមៗ ហើយពួកគេនឹងធ្វើឲ្យយើងឈានទៅដោះស្រាយវិនាសកម្មដ៏អាថ៌កំបាំងនេះបាន»៕

ប្រភព Sabay

មុន បន្ទាប់

មតិយោបល់