សង្គ្រាមស្រមោចក្រហម និង ស្រមោចខ្មៅនៅ ផ្លាទីនៀម យប់មិញ

សង្គ្រាមស្រមោចក្រហម និង ស្រមោចខ្មៅនៅ ផ្លាទីនៀម យប់មិញ

សង្គ្រាមស្រមោចក្រហម និង ស្រមោចខ្មៅនៅក្នុងរឿង MINUSCULE: Valley of the Lost Ants (3D) បានចាក់បញ្ចាំងលើកដំបូងនៅ ផ្លាទីនៀម យប់មិញ និង លក់សំបុត្រចូលទស្សនាជាផ្លូវការ នៅថ្ងៃ ទី ៤ កញ្ញានេះតទៅ។

Valley-of-the-lost-ants-

លោក ឈុំ ប៊ុនលី បុគ្គលិកផ្នែកទីផ្សារ នៃរោងភាពយន្ត Platinum Cineplex បានឲ្យដឹងថា ការបើកសម្ពោធខ្សែភាពយន្តកាលពីយប់មិញនេះ គឺទស្សនិកជន ដែល អញ្ជើញមកទស្សនា គឺជា ដៃគូរពាណិជ្ជកម្ម និង Fans របស់ Platinum Cineplex។ ក្នុងនោះ រួមទាំង អតិថិជនរបស់ Smart ដែលឈ្នះរង្វាន់ ពីកម្មវិធីលេងហ្គេមតាមរយៈ Facebook ក៏ត្រូវបានអញ្ជើញមកទស្សនាដែរ។

ក្នុងសាច់រឿងនេះបាននិយាយពីសង្គ្រាមរបស់អាណាចក្រស្រមោចក្រហមដើម្បីដណ្ដើមយកប្រអប់ស្ករពីអាណាចក្រស្រមោចខ្មៅ ពេលស្រមោចខ្មៅរើសបានពីមនុស្សបោះចោលក្នុងព្រៃមួយ។

កងទ័ពរបស់ស្រមោចក្រហមខ្លាំងក្លាពេក ខាងស្រមោចខ្មៅមានតែបិទទ្វារបន្ទាយស្វែងរកមធ្យោបាយដើម្បីទប់ទល់ជាមួយស្រមោចក្រហមដ៏មហិមានោះ។ ការវាយលុកអស់រយៈពេលមួយថ្ងៃធ្វើឲ្យបន្ទាយស្រមោចខ្មៅមានការបាក់បែកមួយចំនួន ពេលនោះអ្នកស្រាវជ្រាវសព្វាវុធរបស់ស្រមោចខ្មៅបានរកឃើញពីរបៀបប្រើកាំជ្រួចដែលអាចសម្លាប់កងទ័ពស្រមោចក្រហមបានយ៉ាងច្រើន។ ប៉ុន្តែ ជាអកុសលក្នុងបន្ទាយមានឈើគូសតែមួយដើម មិនអាចដុតកាំជ្រួចបង្ក្រាបស្រមោចក្រហមបានទេ។

អណ្ដើកមាសវ័យក្មេង ដែលជាមិត្តល្អរបស់ស្រមោចខ្មៅ បានសម្រេចចិត្តតស៊ូហើរទៅរកឈើគូសដើម្បីជួយសង្គ្រោះប្រជាជនរបស់មិត្តខ្លួនទាំងស្លាបម្ខាងរបស់ខ្លួនទើបតែដុះបានបន្តិចបន្ទាប់ពីបាក់នាពេលរត់គេចពីការយាយីរបស់រុយ។

តើប្រអប់ស្ករនោះមានអ្វីពិសេសបានជាស្រមោចក្រហមចង់បានយ៉ាងនេះ? តើអណ្ដើកមាសអាចជួយសង្គ្រោះស្រមោចខ្មៅពីមហាគ្រោះបានទាន់ពេលដែរឬទេ? ស្រាយចម្ងល់អស់ទាំងនេះសូមអញ្ជើញចូលទស្សនានៅ Platinum Cineplex ផ្សារសូរិយាជាន់ទី ៥ ទាំងអស់គ្នា៕

Valley-of-the-lost-ants-11