ឃើញតារាចម្រៀងរកលុយចូលទាំង ពាន់ ម៉ឺនដុល្លារ តិចច្រឡំថា បានទាំងអស់ទៅ!

ឃើញតារាចម្រៀងរកលុយចូលទាំង ពាន់ ម៉ឺនដុល្លារ តិចច្រឡំថា បានទាំងអស់ទៅ!

កុំឃើញតារាចម្រៀងល្បីៗមួយចំនួនរកចំណូលក្នុងមួយខែរាប់ពាន់រាប់ម៉ឺនដុល្លារ ពីការច្រៀង ពួកគេមិនទទួលបានចំណូលទាំងអស់ទេ។ ចំណូលមួយចំនួនត្រូវចែកឱ្យផលិតកម្មនៅពេលពួកគេចុះកុងត្រាច្រៀងឱ្យផលិតកម្មណាមួយ។

គោលការណ៍ក្នុងផលិតកម្មនីមួយៗ មានលក្ខខណ្ឌផ្សេងពីគ្នា ផលិតកម្មខ្លះ យក ១០ ភាគរយ ខ្លះទៀតយក ២០ ទៅ ៣០ ភាគរយ ពេលពួកគេចេញច្រៀងតាមកម្មវិធីនៅភ្នំពេញ ឬ តាមបណ្ដាខេត្តនានា។

star cambodia

អ្នកចាត់ការទូទៅផលិតកម្ម Diamond Music នាង សឿន សុខលីន និយាយថា ពេលតារាចម្រៀងក្នុងផលិតកម្មរបស់ខ្លួនចេញទៅច្រៀងនៅខាងក្រៅត្រូវផ្ដល់ចំណូលមួយចំណែកត្រឡប់មកឱ្យផលិតកម្មវិញ ក៏ប៉ុន្តែកញ្ញាអះអាងថា ចំណូលនោះមិនជាច្រើនទេ គឺតិចតួច ប៉ុណ្ណោះ។

សុខលីន បញ្ជាក់ដូច្នេះ៖”ភាគរយក្រុមហ៊ុនប៉ុន្មាន តារាចម្រៀងប៉ុន្មានខ្ញុំនិយាយថាទេបង ព្រោះជាគោលការណ៍ក្រុមហ៊ុន តែខ្ញុំថាមិនជាច្រើនទេសម្រាប់ផលិតកម្មទទួលបានគឺតិចតួចបំផុត”។

ដោយឡែកអ្នកចាត់ការទូទៅរបស់ផលិតកម្ម សាន់ដេ លោក ឡាយ សុកចំរើន ក៏មិនបង្ហើបឱ្យដឹងដែរ ចំពោះការបែងចែកភាគរយ រវាងផលិតកម្ម និង តារាចម្រៀងពេលចេញច្រៀងកម្មវិធីផ្សេងៗ។

លោកគ្រាន់តែនិយាយដោយខ្លីថា៖ “យាយទៅខ្ញុំមិនអាចបង្ហើបបានតែម្ដង គោលការណ៍ថ្នាក់លើគាត់ដាក់មកចឹង”។

បើទោះជាអ្នកចាត់ការទូទៅទាំងពីរមិនបានប្រាប់ឱ្យដឹងពីការបែងចែកភាគរយរវាងតារាចម្រៀង និង ផលិតកម្មក៏ដោយចុះ តារាចម្រៀងកំពុងល្បីឈ្មោះក្នុងស្រទាប់មិត្តយុវវ័យនិយាយក្នុងលក្ខខណ្ឌសុំមិនបញ្ចេញឈ្មោះអះអាងថា៖ ”ខ្ញុំមិនដឹងតារាផ្សេងគេម៉េចទេ សម្រាប់ខ្ញុំផលិតកម្មកាត់ ១៥ ទៅ២០ ភាគរយ ពេលខ្ញុំច្រៀងកម្មវិធីនៅខាងក្រៅ”។

តារាចម្រៀងសុំមិនបញ្ចេញឈ្មោះរូបនេះបន្តថាការកាត់ចំណូល១៥ទៅ២០ភាគរយពីសំណាក់ផលិតកម្មច្រើនបន្តិចក្ដី ក៏ប៉ុន្តែមិនមានអ្វីជាបញ្ហាឡើយ ព្រោះផលិតកម្មជួយរកទីផ្សារ ក៏ដូចជាផលិតចម្រៀងឱ្យដើម្បីទាក់ទាញការគាំទ្រពីមហាជន។តារាចម្រៀងទាំងអស់ ទោះជាចុះកុងត្រា ឬមិនបានចុះកុងត្រាក្ដីត្រូវចែកភាគរយជាមួយផលិតកម្ម តែតិចឬច្រើនអាស្រ័យលើការព្រមព្រៀងគ្នារវាងបុគ្គល និង ផលិតកម្ម។ តារាចម្រៀងល្បីៗរកចំណូលខ្ពស់ជាងគេប្រចាំឆ្នាំនាពេលបច្ចុប្បន្នមានដូចជា លោក ព្រាប សុវត្ថិ, លោក ខេមរៈ សិរីមន្ត, កញ្ញា មាស សុខសោភា, កញ្ញា ឱក សុគន្ធកញ្ញា និង ឆាយ វីរៈយុទ្ធ ជាដើម៕

ប្រពភ: sabay

មុន បន្ទាប់

មតិយោបល់