ទឹកចិត្ត អេ ភូថង និងភរិយា ទោះខ្វះយ៉ាងណា ក៏ឆ្លៀតយកអំណោយតិចតួចចែកដល់កុមារក្រីក្រ

ទឹកចិត្ត អេ ភូថង និងភរិយា ទោះខ្វះយ៉ាងណា ក៏ឆ្លៀតយកអំណោយតិចតួចចែកដល់កុមារក្រីក្រ

អតីតអ្នកប្រដាល់ល្បីឈ្មោះ អេ ភូថងនិងភរិយាបាននាំយកអំណោយមួយចំនួនទៅចែកជូនដល់កុមារក្រីក្រនៅម្ដុំបុរី II ភូមិដំណាក់ត្រយឹង សង្កាត់ចោមចៅ ខណ្ឌពោធិ៍សែនជ័យ ភ្នំពេញកាលពីល្ងាចម្សិលមិញ។

អ្នកស្រី សាំង សុម៉ាលី ភរិយារបស់លោក អេ ភូថង និងជាចៅក្រម អាជ្ញាកណ្តាលបានឲ្យដឹងថា អំណោយដែលយកទៅចែកជូនដល់កុមារក្រីក្រនេះគឺសម្ភារៈសិក្សាដូចជា ខោអាវ កាតាប សៀវភៅ ប៊ិច ខ្មៅដៃ ជ័រលុប សំលៀកបំពាក់កីឡា។ «យើងបានយកអំណោយតិចតូចចែកដល់កុមារក្រីក្រចំនួន៣០នាក់ ក្នុងនោះក្មេងស្រីជាង១០នាក់»។

ការយកអំណោយទៅចែកដល់កុមារក្រីក្រនេះគឺមាន លោក អេភូថង និងភរិយា ព្រមទាំងជនបរទេស៥នាក់ទៀតក្នុងនោះប្រធានអង្គការ២នាក់ និងភ្ញៀវ៣នាក។ លោក អេ ភូថង សព្វថ្ងៃនេះក្រៅពីអាជីពជាគ្រូបង្វឹក លោកជាឯកអគ្គររាជទូតសុឆន្ទៈរបស់អង្គការ Voice ដែលធ្វើការទៅលើការគាំពារកុមារខ្សត់ខ្សោយនិងកុមាររងការ រំលោភបំពាននៅកម្ពុជា ហើយទាំងប្តីប្រពន្ធក៏មានចិញ្ចឹមកុមារក្រីក្រ១០នាក់ផងដែរ៕

Eh-Charity-1
អេ ភូថង និងកុមារី