ផ្សារទំនើប Aeon ទាក់ចិត្តយុវតីពីកូរ៉េមកលេងស្រុកខ្មែរនៅវិស្សមកាល

ផ្សារទំនើប Aeon ទាក់ចិត្តយុវតីពីកូរ៉េមកលេងស្រុកខ្មែរនៅវិស្សមកាល

បាន វឌ្ឍនា ជាយុវតីខ្មែរដ៏កម្រមួយរូប ដែលទទួលបានអាហារូបករណ៍បន្តការសិក្សាថ្នាក់អនុបណ្ឌិតផ្នែកព័ត៌មានវិទ្យានៅប្រទេសកូរ៉េ។ បន្ទាប់ពីសិក្សាបានមួយរយៈ យុវតីរូបនេះកំពុងរៀបគម្រោងមកលេងស្រុកកំណើតនៅអំឡុងខែធ្នូខាងមុខនេះ ស្របពេលជារដូវវិស្សមកាលរដូវរងាដែលនិស្សិតសិក្សាត្រូវឈប់សម្រាក។

10450302_851259554903561_592552494767011348_o

បាន វឌ្ឍនា ដែល កំពុង សិក្សា អនុបណ្ឌិត ព័ត៌មានវិទ្យា នៅ កូរ៉េ
ក្នុងដំណើរកម្សាន្តមកលេងស្រុកកំណើត ក្រៅពីចង់មកសួរសុខទុក្ខក្រុមគ្រួសារនិងមិត្តភ័ក្ដិ កញ្ញាក៏ចង់ទៅកម្សាន្តផ្សារ Aeon ក្រោយពេលល្បីថាផ្សារទំនើបមួយនេះកំពុងទាក់ទាញការចាប់អារម្មណ៍ពីពលរដ្ឋខ្មែរគ្រប់ទិសទី ជាពិសេសនៅលើបណ្តាញសង្គម Facebook ក៏មានការល្បីតៗគ្នា។
បាន វឌ្ឍនា បានឲ្យដឹងថា ដោយសារនៅអំឡុងខែធ្នូខាងមុខនេះ ជារដូវវិស្សមកាលរដូវរងានៅកូរ៉េ ហើយដែលនិស្សិតនានាមានឱកាសឈប់សម្រាក ដូច្នេះកញ្ញាកំពុងរៀបគម្រោងមកលេងស្រុកកំណើត។ ក្រៅពីមានបំណងមកលេងក្រុមគ្រួសារនិងមិត្តភ័ក្ដិ កញ្ញាចង់ទៅលេងផ្សារទំនើប Aeon ក្រោយល្បីថា ផ្សារនេះកំពុងទទួលការចាប់អារម្មណ៍ពីពលរដ្ឋខ្មែរគ្រប់ទិសទី ជាពិសេសនៅលើបណ្តាញសង្គមនានាក៏មានឈូឆរណាស់ដែរ។
វឌ្ឍនា បានចាកចេញប្រទេសកម្ពុជាទៅបន្តការសិក្សារយៈពេលពីរឆ្នាំថ្នាក់អនុបណ្ឌិតជំនាញព័ត៌មានវិទ្យានៅប្រទេសកូរ៉េនៅអំឡុងឆ្នាំ ២០១៣។ កញ្ញាបានចាកចេញអំឡុងពេលដែលផ្សារទំនើប Aeon នៅកំពុងដំណើរការនិងមិនទាន់សម្ពោធនៅឡើយ។
វឌ្ឍនា ថា កញ្ញាបានចេញទៅបន្តការសិក្សានៅកូរ៉េ ក្នុងអំឡុងពេលដែលផ្សារទំនើប Aeon នៅកំពុងដំណើរការសាង់សង់នៅឡើយ។ យ៉ាងណាក្រោយពេលផ្សារនេះបើកសម្ពោធកាលពីពេលថ្មីៗនេះ ឃើញមានភាពល្បីល្បាញ ទើបជំរុញចិត្តកញ្ញាចង់មកទស្សនានៅអំឡុងមកលេងស្រុកខ្មែរនៅពេលខាងមុខ។
វឌ្ឍនា នឹងបញ្ចប់ការសិក្សាទាំងស្រុងនៅឆ្នាំ ២០១៦។ វឌ្ឍនាជាយុវតីដ៏កម្រមួយរូប ដែលមានឱកាសអាចបន្តការសិក្សាជំនាញព័ត៌មានវិទ្យានៅប្រទេសកូរ៉េ។ ក្រោយពេលបញ្ចប់ការសិក្សា វឌ្ឍនាមានបំណងចង់បន្តការការងារនៅតាមបណ្តាក្រុមហ៊ុន IT នៅប្រទេសកូរ៉េ ដើម្បីអាចពង្រឹងចំណេះដឹងនិងសមត្ថភាពបន្ថែមទៀត មុនពេលវិលត្រឡប់មកប្រទេសកម្ពុជាវិញ។
ប្រភពៈ Sabay

មុន បន្ទាប់

មតិយោបល់