មេដឹកនាំធំៗលើពិភពលោកប្រើទូរសព្ទម៉ាកអ្វី?

មេដឹកនាំធំៗលើពិភពលោកប្រើទូរសព្ទម៉ាកអ្វី?

បច្ចេកវិទ្យាSmartphone កាន់តែរីកចម្រើនពីមួយថ្ងៃទៅមួយថ្ងៃហើយមនុស្សជាច្រើននៅជុំវិញពិភពលោកក៏កំពុងតែភ្លូកទឹកភ្លូកដីនាំគ្នាប្រើប្រាស់Smartphone សឹងតែគ្រប់ៗគ្នា។ ចុះបើនិយាយពីមេដឹកនាំធំៗនៅលើពិភពលោកវិញប្រើប្រាស់ទូរសព្ទម៉ាកអីដែរទៅ?
១. លោកប្រធានាធិបតីអាមេរិក Barrack Obama

Obama on his BlackBerry

រឿងមួយដែលគួរឲ្យចងចាំដំបូងគេរបស់លោកប្រធានាធិបតីអាមេរិក Barrack Obama នៅពេលលោកឈានជើងចូលសេតវិមានក្នុងឆ្នាំ ២០០៩ គឺការដែលលោកនៅតែព្យាយាមរក្សា ទូរសព្ទម៉ាក BlackBerry ជាទីស្រឡាញ់របស់លោកទោះបីជាមានការប្រឆាំងមួយចំនួនមន្ត្រីជាច្រើនរបស់អាមេរិកក៏ដោយ។ ប៉ុន្តែទីបញ្ចប់លោកត្រូវបានគេអនុញ្ញាតឲ្យប្រើទូរសព្ទ BlackBerry មកទល់ពេលបច្ចុប្បន្ន។
២. អតីតអ្នកវិទ្យាសាស្ត្រនិងបច្ចុប្បន្នជាអធិការបតីរបស់អាល្លឺម៉ង់លោកស្រី Angela Merkel

Angela Merkel on a Nokia slide

លោកស្រីប្រើទូរសព្ទដល់ទៅពីរម៉ូដែលគឺ Nokia 6260 Slide និង BlackBerry Z10។ សម្រាប់ការងារក្នុងបក្ស លោកស្រីប្រើ Nokia 6260 Slide ហើយម៉ូដែល BlackBerry Z10 លោកស្រីប្រើសម្រាប់កិច្ចការក្នុងរដ្ឋមួយចំនួន។
៣. ប្រធានាធិបតីប្រទេសប៉ាគីស្ថានលោក Nawaz Sharif
Nawaz Sharif on the phone

លោកប្រធានាធិបតី Nawaz Sharif ប្រើទូរសព្ទម្ដងពីរម៉ូដែលដូចលោកស្រី Angela Merkel តែខុសត្រង់ថាលោកប្រើទូរសព្ទទំនើបជាង។ ទូរសព្ទពីរម៉ូដែល ដែលលោកប្រធានាធិបតីប្រើគឺ ស៊េរី iPhone និង Samsung។ ប៉ុន្តែទូរសព្ទទាំងពីរម៉ាកនោះតែងតែទុកនៅនឹងដៃកូនចៅរបស់លោកតែប៉ុណ្ណោះ។
៤. លោកនាយករដ្ឋមន្ត្រីរុស្សី Dmitry Medvedev

លោកនាយករដ្ឋមន្ត្រីរុស្សី Dmitry Medvedev ដែលជាមនុស្សល្បីខាងចូលចិត្តផលិតផលរបស់ Apple ជាពិសេសគឺ iPhone 4ដែល Steve Jobs បានជូនលោក។ ខុសពីលោកនាយករដ្ឋមន្ត្រី ប្រធានាធិបតីរុស្ស៊ីលោករុស្សី Vladimir Putin ល្បីឈ្មោះចំពោះរឿងមិនចូលចិត្តប្រើទូរសព្ទ ហើយក៏ជាមនុស្សម្នាក់ដែលតែងតែទាមទារមិនឲ្យមានការប្រើប្រាស់Smartphone ផងដែរដោយមានហេតុផលបារម្ភរឿងសន្តិសុខ។
៥. លោកប្រធានាធិបតីរបស់បារាំងFrançois Hollande

Francois Hollande on his phone
លោកប្រធានាធិបតីប្រើទូរសព្ទម៉ាក iPhone 5 ដែលជាទូរសព្ទលោកសឹងតែមិនដែលដាក់ឆ្ងាយពីខ្លួននោះទេ។ ថ្មីៗមានការរាយការណ៍ថាលោកប្រធានាធិបតីតែងតែលេងសារជាមួយមិត្តស្រីឈ្មោះ Julie Gayet។ ទោះជាយ៉ាងណាទូរសព្ទ iPhone របស់លោកប្រធានាធិបតីគឺសម្រាប់តែការប្រើប្រាស់ផ្ទាល់ខ្លួនប៉ុណ្ណោះ។
៦. លោកKim Jong-unជាមេដឹកនាំរបស់ប្រទេសកូរ៉េខាងជើង

Kim Jong-un with phone

លោកKim Jong-un ត្រូវបានគេគិតថាលោកប្រើទូរសព្ទម៉ូដែល HTC ព្រោះកាលកិច្ចប្រជុំសន្តិសុខជាតិ លោកត្រូវបានគេឃើញប្រើHTC ដែលជាផលិតផលរបស់ក្រុមហ៊ុនតៃវ៉ាន់។
៧. នាយករដ្ឋមន្ត្រីរបស់អ៊ីតាលីលោក Matteo Renzi

Leader of Democratic party Matteo Renzi talks to reporters at the end of the consultations with Italian President Giorgio Napolitano at the Quirinale Palace in Rome

នាយករដ្ឋមន្ត្រីរូបនេះមិនត្រឹមតែស្រឡាញ់ទូរសព្ទ iPhoneប៉ុណ្ណោះទេ តែលោកជាមនុស្សដែលប្ដូរផ្ដាច់និងផលិតផលរបស់ក្រុមហ៊ុន Apple តែម្ដង។ ពេលដែលស្ថាបនិកក្រុមហ៊ុន Apple លោក Steve Jobs បានទទួលមរណៈភាព លោកបានបង្ហោះប្រយោគនៅលើគេហទំព័រ Facebook របស់លោកដោយសរសេរឃ្លាដោយការគោរពទៅលើ Steve Jobs ថា”the Leonardo da Vinci of our time” ដែលលោកប្រមុខរដ្ឋាភិបាលចង់បានន័យថាSteve Jobs គឺជាមនុស្សដ៏អស្ចារ្យប្រៀបដូចជាលោក Leonardo da Vinci ជាមនុស្សមច្ឆរិយៈលើលោក៕

ចុះប្រិយមិត្តវិញប្រើទូរសព្ទម៉ាកអីដែរ?
ប្រភពៈ sabay

មុន បន្ទាប់

មតិយោបល់