ព្រះ កាយច័ន្ទ មានចំហាយពីអាមេរិក

ព្រះ កាយច័ន្ទ មានចំហាយពីអាមេរិក

តារាសម្ដែង និង ជាពិធីការិនី កញ្ញា សារ៉ាយ ព្រះកាយច័ន្ទ ត្រូវបានប្រភពច្បាស់ការមួយបានបង្ហើបឲ្យដឹងថា មាន Sponsor មួយកំពុងតែទាក់ទងចេញទៅច្រៀងនៅសហរដ្ឋអាមេរិកក្នុងពេលឆាប់ខាងមុខនេះ។
ប្រភពនោះ បានឲ្យដឹងថា Sponsor ដែលមានបំណងចង់ធានាថា នាង ព្រះកាយច័ន្ទ ត្រៀមទៅច្រៀងនៅសហរដ្ឋអាមេរិកនោះ គឺជា លោក គាំ ចន្ទី ជាម្ចាស់ផលិតកម្ម FCI ដែលបច្ចុប្បន្ននេះ កំពុងតែរស់នៅសហរដ្ឋអាមេរិក។ ប្រភពច្បាស់ការនោះ បានឲ្យដឹងបន្តថា Sponsor មានគម្រោងធានានាងទៅ ក្នុងអំឡុងខែ ១២ នេះ ដោយនៅក្នុងនោះមានតារាប្រុសម្នាក់ទៀត ក៏ត្រូវបានចេញទៅជាមួយនាងដែរ គឺ លោក សូ វិសាល តារាសម្ដែង ក្នុងរឿង “ទុកក្រមុំឲ្យម៉ែមើល”។
ក្នុងជំនួបជាមួយ Sabay មុននេះបន្តិច កញ្ញា សារ៉ាយ ព្រះកាយចន្ទ័ មិនបានប្រកែកការលើកឡើងនោះឡើយ ដោយនាងបានប្រាប់ថា លោក គាំ ចន្ទី បានប្រាប់នាងពីរឿងនេះ ហើយបច្ចុប្បន្នកំពុងតែត្រៀមរៀបចំឯកសារ ដើម្បីធានានាងទៅ ប៉ុន្តែអាចសម្ភាសន៍ ឬ មិនជាប់យ៉ាងណានោះ មិនទាន់ដឹងឡើយ។
ព្រះកាយចន្ទ័ បានឲ្យដឹងបន្ថែមទៀតថា កាលពីពេលមួយឆ្នាំមុន Sponsor ផ្សេងទៀតក៏ បានទាក់ទងនាងទៅច្រៀងនៅអាមេរិកដែរ ប៉ុន្តែដោយសារនាងមិនហ៊ានទៅព្រោះមិនធ្លាប់ស្គាល់ ហើយ លោក គាំ ចន្ទី ដែលស្រលាញ់រាប់អាននាងដូចជាកូនស្រីបង្កើត ហាម ដោយប្រាប់ថា ចាំចេញទៅជាមួយគាត់ ទើបនាងសម្រេចចិត្តនៅរហូតមកដល់ បច្ចុប្បន្ននេះ។ ព្រះកាយចន្ទ័ នៅមិនទាន់ដឹងច្បាស់ថា គម្រោងចេញទៅអាមេរិកនោះ នាងត្រូវចេញទៅប៉ុន្មានខែនៅឡើយ។
តារាសម្ដែង និង ជាពិធីការិនីម្នាក់នេះ បានលើកឡើងថា មិនដឹងថា អាចសម្ភាសន៍ជាប់ ឬ ធ្លាក់នោះឡើយព្រោះ កន្លងមកមានតារាច្រើនណាស់ ដែល Sponsor ដាក់ឈ្មោះធានាទៅ ប៉ុន្តែ បែរជាសម្ភាសន៍មិនជាប់ទៅវិញ។ យ៉ាងណាមិញ ព្រះកាយចន្ទ័ ប្រាប់ថា មានតែពឹងលើព្រេងវាសនាប៉ុណ្ណោះ ហើយប្រសិនបើជាប់មែននោះ នាងពិតជាសប្បាយចិត្តខ្លាំងណាស់ ហើយនាងប្ដេជ្ញាថានាងនឹងខិតខំប្រឹងច្រៀង ក៏ដូចជា រាំរបាំ ដែលជាជំនាញរបស់នាងឲ្យល្អ មិនឲ្យម្ចាស់ Sponsor ខកបំណងឡើយ។
កញ្ញា សារ៉ាយ ព្រះកាយ គឺជាអតីតស្រីស្អាតក្នុងកម្មវិធីកញ្ញាឯក Bridge Stone ២០១០។ ក្រៅពីការសម្ដែងខារ៉ាអូខេ ឲ្យផលិតកម្មក្រៅស្រុក និងការងារជាពិធីការិនីទូរទស្សន៍ប៉ុសិ៏លេខ ៩ នាងធ្លាប់ថតខ្សែភាពយន្តបានជិត ១០ រឿង មកហើយ។
តារាស្រីម្នាក់នេះ ក៏អាច អាចច្រៀង និង រាំរបាំបានយ៉ាងល្អផងដែរ។ ចំពោះការចេញទៅក្រៅប្រទេស តារាស្រីម្នាក់នេះ ធ្លាប់ចេញទៅ ៣ ប្រទេសហើយ ក្នុងនោះធ្លាប់ទៅដើរម៉ូដ ក៏ដូចជា រាំរបាំ នៅប្រទេសជប៉ុនម្ដង កាលពីឆ្នាំ ២០១០, នៅប្រទេសចិនម្ដង កាល ឆ្នាំ ២០១២, និង នៅ ប្រទេសវៀតណាមចំនួន ៣ ដង៕
ប្រភពៈ sabay

មុន បន្ទាប់

មតិយោបល់