ការងារងាយៗ! ប្រមូលសពអ្នកស្លាប់ដោយអេបូឡា បានប្រាក់ឈ្នួល ១ពាន់ដុល្លារក្នុងមួយខែ

ការងារងាយៗ! ប្រមូលសពអ្នកស្លាប់ដោយអេបូឡា បានប្រាក់ឈ្នួល ១ពាន់ដុល្លារក្នុងមួយខែ

”ពេលដែលខ្ញុំក្រោកឡើងនាពេលព្រលឹម ខ្ញុំបានបួងសួងសុំឲ្យមានកម្លាំង និងមានអារម្មណ៍ធ្វើការ”។ នេះគឺជាសម្ដីរបស់បុរសម្នាក់ឈ្មោះ Sorie Fofana វ័យ ២១ឆ្នាំ ដែលមានការងារជាអ្នកប្រមូលសពអ្នកស្លាប់ដោយមេរោគដ៏សាហាវអេបូឡា។

ការងារដ៏ងាយរបស់បុរសម្នាក់នេះអាចផ្ដល់កម្រៃបានដល់ទៅ ១ពាន់ដុល្លារក្នុងមួយខែ ប៉ុន្តែដូចជាគ្រោះថ្នាក់បន្តិចហើយ ដោយសារមេរោគនេះឆ្លងលឿនណាស់។ មុនពេលបុរសវ័យក្មេងរូបនេះប្រមូលសពនៅរដ្ឋធានី Monrovia ប្រទេសលីបេរីយ៉ា លោកមានមុខរបរជាអ្នកច្នៃម៉ូដអាវយឺត។ លោកបានប្ដូរមកធ្វើការងារដ៏គ្រោះថ្នាក់នេះ ព្រោះវាបានផ្ដល់ប្រាក់ឈ្នួលឲ្យលោកច្រើនជាងការងារមុន។

លោក Fofana បានចូលបម្រើការងារនៅក្រុមមួយ ក្នុងចំណោមក្រុម ៤ទៀតរបស់រដ្ឋាភិបាល ដែលត្រូវបានគេបង្ហាត់យ៉ាងពិសេសឲ្យចេះប្រមូលសពអ្នកស្លាប់ដោយអេបូឡានៅប្រទេសលីបេរីយ៉ា។ ប្រទេសនៅអាហ្វ្រិកខាងលិចមួយនេះ កំពុងរងការវាយប្រហារដ៏ធ្ងន់ធ្ងរពីមេរោគមរណៈ ដោយមានករណីសង្ស័យថាឆ្លងប្រមាណ ១៣០០នាក់ និង៧០០នាក់ផ្សេងទៀតបានស្លាប់៕