មើលនេះ! តារាល្បីៗមានជំនួយការ និង អ្នកគ្រប់គ្រងផ្ទាល់

មើលនេះ! តារាល្បីៗមានជំនួយការ និង អ្នកគ្រប់គ្រងផ្ទាល់

ប្រិយមិត្ត និង មិត្តៗយុវវ័យតែងលឺវត្តមានអ្នកគ្រប់គ្រង និង ជំនួយការផ្ទាល់ពីសំណាក់តារាល្បីៗនៅក្រៅប្រទេស ជាពិសេសតារាក្នុងជួរ Hollywood។ ងាកមកតារាល្បីៗក្នុងប្រទេស កម្ពុជា វិញ ពួកគេក៏មិនអត់ដែរ ដោយតារាភាគច្រើនមានអ្នកគ្រប់គ្រង ក៏ដូចជា ជំនួយការផ្ទាល់។

ខាងក្រោម គឺជា នាមឈ្មោះតារាល្បីៗ ដែលមានអ្នកគ្រប់គ្រង និង ជំនួយការផ្ទាល់ខ្លួន៖

១, កញ្ញា មាស សុខសោភា តារាចម្រៀងល្បីឈ្មោះក្នុងផលិតកម្ម Town រូបនេះ មានអ្នកគ្រប់គ្រងផ្ទាល់ខ្លួន គឺ លោក មាស សុខរតនៈ ដែលជា អ្នកចាត់ការទូទៅក្នុងផលិតកម្មនេះ។ ទាក់ទងនឹងការជួលច្រៀង ឬ មានបញ្ហាអ្វីមួយលោកតែងលេចមុខជំនួសប្អូនស្រីក្នុងការដោះស្រាយ។

Meas-sok-sophea

២, ឱក សុគន្ធកញ្ញា មិនមានអ្នកគ្រប់គ្រងផ្ទាល់ខ្លួនទេ ប៉ុន្តែនាងមានជំនួយការផ្ទាល់ខ្លួន គឺ ឈ្មោះ ឱក សុគន្ធតាណា ដែលជាប្អូនស្រីបង្កើត។ ក្រៅតែពីជំនួយការនេះ តារាចម្រៀងល្បីឈ្មោះក្នុងផលិតកម្ម ហង្សមាស មាននារីម្នាក់ទៀតតែងតែដើរតាមជាប់គ្រប់កម្មវិធី។

Ouk-sokun-khana

៣, អ្នកគ្រប់គ្រងផ្ទាល់របស់ ខេមរៈ សិរីមន្ត គឺ លោក ខេមរៈ ភារុណ ជាបងប្រុសបង្កើត។ ក្រៅពីមានអ្នកគ្រប់គ្រងតារាចម្រៀងរូបនេះ ក៏មាន ជំនួយការជានារីស្រស់ស្អាតម្នាក់ទៀតតែងតែតាមជាប់គ្រប់កម្មវិធីក្នុងការរៀបចំសំលៀកបំពាក់ ក៏ដូចជាស្ទិល នៃការតុបតែងខ្លួនផ្សេងៗ។

Kem-raksreymun

៤, សុខ ពិសី ជំនួយការផ្ទាល់របស់នាងមានឈ្មោះ កញ្ញា។ គ្រប់កម្មវិធីសិល្បៈ គឺមាន វត្តមាននាងដើម្បីជួយរៀបចំ ក៏ដូចជាតុបតែងខ្លួនឱ្យតារាចម្រៀងល្បីឈានមុខរបស់ផលិតកម្មសាន់ដេនេះ។

Sok-pisey

៥, ព្រាប សុវត្ថិ មិនមានអ្នកគ្រប់គ្រងផ្ទាល់ខ្លួនទេ ដោយបញ្ហាផ្សេងៗ គឺលោកជាអ្នកចាត់ចែងដោយខ្លួនឯង។ ក៏ប៉ុន្តែតារាលំដាប់កំពូលរបស់កម្ពុជាមួយនេះ មានជំនួយការក្នុងក្រុមរាំផ្ទាល់របស់លោកចាំជួយរៀបចំសំលៀកបំពាក់ ក៏ដូចជាស្ទិលតុបតែងខ្លួនផ្សេងទៀត។

Prab-sovat

៦, ជំនួយការផ្ទាល់របស់ យុគ ចិន្ដា មានឈ្មោះ ចិន្ដា ហៅ មុំ។ ការងារពាក់ព័ន្ធមួយចំនួន គឺ ឈ្មោះ មុំនេះ ជាអ្នកចាត់ចែង និង ដោះស្រាយជំនួយពិធីការិនីល្បីឈ្មោះរូបនេះ។

Yuk-chenda

៧, អ្នកគ្រប់គ្រងផ្ទាល់របស់ ឆាយ វីរៈយុទ្ធ គឺបងប្រុសបង្កើតមានឈ្មោះ ឆាយ ចាន់ឆាន។ ការងារមួយចំនួន គឺបងប្រុសរបស់លោកជាអ្នកដោះស្រាយជំនួយ។ ម្យ៉ាងទៀតពាក់ព័ន្ធនឹងការរៀបចំខ្លួនដូចម្ដេចដើម្បីទទួលការគាំទ្រពីទស្សនិកជន និង មិត្តៗយុវវ័យក៏ភាគច្រើនតារាចម្រៀងរូបនេះទទួលយោបល់ពីបងប្រុសដែរ។

Chay-vireakyuth

៨, សុគន្ធ និសា ពីមុនធ្លាប់មានអ្នកគ្រប់គ្រងផ្ទាល់ខ្លួន គឺអតីតសង្សារចាស់ លោក សុខ ជំនោរ ក៏ប៉ុន្តែក្រោយបែកបាក់គ្នាមកតារាចម្រៀងស្រគត់ស្រគំរូបនេះ មិនមានអ្នកគ្រប់គ្រងទៀតឡើយ។

សម្រាប់ពេលបច្ចុប្បន្នគេឃើញវត្តមានម្ដាយរបស់នាងតាមជួយមើលការខុសត្រូវពេលចូលរួមកម្មវិធីផ្សេងៗ។ យ៉ាងណាក៏ដោយពេលខ្លះគេឃើញសមាជិកក្នុងក្រុមរាំធ្វើជាជំនួយការឱ្យផងដែរពេលចាំបាច់។

Soku nisa

៩, អ៊ីវ៉ា អ្នកគ្រប់គ្រងជាឪពុករបស់នាងផ្ទាល់ គឺ លោក អ៊ូ ចន្ថា។ បញ្ហាពាក់ព័ន្ធនានានឹងតារាចម្រៀងល្បីឈ្មោះរូបនេះត្រូវឆ្លងកាត់ឪពុក ដោយអ្នកសារព័ត៌មានកម្រនឹងជួបសម្ភាសន៍នាងផ្ទាល់បាន។

Eva

១០, កែវ ស្រីនាង មានជំនួយការផ្ទាល់ខ្លួន ជាប្អូនស្រីបង្កើត ប៉ុន្តែ មិនស្គាល់ឈ្មោះ។ ជំនួយការជាប្អូនស្រីបង្កើតនោះតែងតែដើរតាមជាប់ និង រៀបចំការស្លៀកពាក់ឱ្យតារារូបនេះគ្រប់កម្មវិធី។

Koev-srey-neang

១១, នី មុនីនាថ មិនមានអ្នកគ្រប់គ្រងផ្ទាល់ខ្លួនទេ ក៏ប៉ុន្តែ នាងមានម្ដាយជាជំនួយការផ្ទាល់ខ្លួន។ ម្ដាយនាងមានឈ្មោះ ភាលី តែងតែដើរស្អិតគ្រប់កម្មវិធីសិល្បៈក្នុងការជួយតុបតែងខ្លួនឱ្យកូន។

Ni-munineath

១២, សុខ ស្រីនាង មានប្អូនប្រុសបង្កើតតាមធ្វើជាជំនួយការ។ គេមិនស្គាល់ឈ្មោះប្អូនប្រុសឡើយ ប៉ុន្តែ ពេលមានកម្មវិធីច្រៀង ឬ សម្ដែងម្ដងៗ តែងមានវត្តមានបុរសជាប្អូនម្នាក់នោះជួយរៀបចំ ឬមើលការខុសត្រូវ។

sok-srey-neang

១៣, អ្នកគ្រប់គ្រងផ្ទាល់របស់ ព្រះកាយច័ន្ទ មានឈ្មោះ ចោម ចាន់តារា ដែលត្រូវជាឪពុកបង្កើត។ គ្រប់កម្មវិធីសិល្បៈទាំងអស់ឪពុកនាងតែងតែរៀបចំឱ្យ ជួនកាលមានទាំងស្លៀកពាក់ឱ្យទៀតក៏មានដែរ។

pras-kay-chan

១៤, គង់ វង្សយ៉ាទី មិនមានអ្នកគ្រប់គ្រងទេ ក៏ប៉ុន្តែនាងមានម្ដាយជាជំនួយការផ្ទាល់។ ម្ដាយរបស់នាងមានឈ្មោះ ផាស ចរិយា តែងដើរជាប់ជាមួយកូនដើម្បីរៀបចំការស្លៀកពាក់ រួមនឹងព័ត៌មានដទៃទៀតដែលអ្នកសារព័ត៌មានចង់ដឹងផងដែរ៕

kong vongyati